deutsch 日本語 Esperanto

La heroo de tiu rakonto estas la 17-jara japana "gimnaziolernanto-majstrodetektivo" Ŝin-iĉi Kudō [jap: Kudō Shin'ichi], en sia ŝrumpita infana formo li nomiĝas Konan Edogaŭa [jap: Edogawa Konan] - kaj li portas okulvitrojn por ke neniu rekonu lin (tiu metodo jam aliloke iam okazis ;-)   Lia amikino Ran Mōri [jap: Mōri Ran] kaj sia patro, la mallerta detektivo Kogorō Mōri [jap: Mōri Kogorō], kaj la inventisto doktoro Hiroŝi Agasa [jap: Agasa Hiroshi], amiko de Ŝin-iĉi resp. Konan, estas post li la plej gravaj personoj de la tuta agado. Krome Konan amikiĝas kun tri gesamklasanoj en la elementa lernejo: Ajumi Joŝida [jap: Yoshida Ayumi], Genta Koĝima [jap: Kojima Genta] kaj Micuhiko Cuburaja [jap: Tsuburaya Mitsuhiko]. Poste (ekde volumo 18) la mistera Aj Hajbara [jap: Haibara Ai] kuneiĝas al ili. Ekde la komenco ĉeestas ankaŭ la diligenta ĉef-inspektoro Ĝūzō Megure [jap: Megure Jūzō] kaj la du ĝisostaj malbonuloj kun la kaŝnomoj Ĝino [jap: Jin] kaj Vodko [jap: Vokka]. (La horizontala streketo sur kelkaj vokaloj indikas longan elparoladon.)

Iom post iom la nombro de la daŭre reaperantaj personoj kreskas: la gepatroj de Ŝin-iĉi: Jūsaku Kudō [jap: Kudō Yūsaku] kaj Jukiko Kudō [jap; Kudō Yukiko], la patrino de Ran: Eri Kisaki [jap: Kisaki Eri], la amikino de Ran: Sonoko Suzuki [jap. Suzuki Sonoko], la amiko de Ŝin-iĉi: Heiĝi Hattori [jap. Hattori Heiji] kaj sia amikino Kazuha Tojama [jap: Tōyama Kazuha], la mistera majstroŝtelisto Kaitō Kid [jap: Kaitō Kiddo], la geinspektoroj Ŭataru Takagi [jap: Takagi Wataru], Miŭako Satō [jap. Satō Miwako] kaj Ninzaburō Ŝiratori [jap: Shiratori Ninzaburō], ktp.

Iliaj nomoj estis neŝanĝite transprenitaj en preskaŭ tutaj tradukoj - sed bedaŭrinde ne en tutaj: al la usonanoj (kaj al la hispanianoj, sed nur en la anime-filma versio) geherooj kun eksterlandaj nomoj sentiĝis malagrable, kaj pro tio ili iĝis renomitaj kiel "usonanoj" - kiu aspektas tute neadekvate. Ĉar kontraŭe al ĉinoj, kiuj ofte ŝatas uzi suplementan anglan nomon, japanoj en Japanio portas ekskluzive japanajn nomojn (nur la nomo "Konan" esceptas estante "artista nomo"), kaj la rakonto okazas do en Japanio. Cetere tiu renomigo okazis nur kun la ĉefaj personoj resp. geherooj, ne kun la daŭre variantaj aliaj personoj, tio evidentigas la kaŝitan kulturan fermitkapecon:

La vorto "majstrodetektivo" konformas al "mei-tan-tei" en la originala japana titolo, skribita 名探偵. La unua simbolo 名 "mei" signifas "nomo" kaj "nomhavanta" resp. "fama", kaj la aliaj du simboloj 探偵 "tan-tei" signifas "serĉi - rekonoski", tiu kombino estas en Japanio kaj en Ĉinio la vorto por "detektivo". Pro tio "majstrodetektivo" estas pli korekta traduko por "meitantei" ol simple "detektivo". La ĉina, korea, vjetnama, taja kaj sveda tradukoj konsideras tiun nuancon: ĉina: míng-zhēn-tàn resp. mìng-taam-jìng, korea: myŏng-t'am-jŏng, vjetnama: thám tử lừng danh, taja: yəd-nagksüüb-djəo, sveda: mästerdetektiv.

Rimarkinde ĉe la vorto "detektivo" estas ke en la japana kaj en la korea (kaj en kelkaj ĉinaj lingvoj, iame ankaŭ en la vjetnama) oni uzas la du simboloj en la sama sinsekvo 探偵 (jap. "tan-tei" = kor. 탐정 "t'am-jŏng" = vietn. "thám tử") kun la "tan-vorto" antaŭe, kontraŭe al la mandarin-ĉina sinsekvo "rekonoski - serĉi", do 偵探 en tradicia skribo resp. 侦探 en simpligita skribo (ambaŭ legiĝas "zhēn-tàn" en la mandarina, kaj "jìng-taam" en la kantona) kun la "tan-vorto" poste. Kurioza afero estas la kantonaj eldonoj en Honkongo, ĉar en la kovrilo de la normala eldono de "Majstrodetektivo Konan" la "japana" simbol-sinsekvo estas uzita, do kantona 探偵 "taam-jìng", sed en la kovrilo de la speciala eldono troviĝas la pli kutiman ĉinan sinsekvon 偵探 "jìng-taam".

Ankaŭ en la originala mangao tiu en la japana lingvo nekutima inversio aperas kiel ŝerca aludo - kiel nomo de la lernejo de Ŝin-iĉi, la "Tei-tan"-gimnazio, kaŝita en skribo kun aliaj simboloj. La franca eldono imitas tiun ŝercon kaj nomas la lernejon de Ŝin-iĉi "lycée Tivedétec" (derivita de "détec-tive").

Pri la titolo "inspektoro" en la mandarina mi volas rimarki ke en Ĉinio oni uzas kiel en Japanio 警部 (= jap. "kei-bu" = mandarin "jǐng-bù"), sed en Tajvano, Honkongo kaj Koreio oni uzas la similan 警官 kun alia dua simbolo:

Diverslingvaj eldonoj   Teksta ekzemplo   Nomoj de la ĉefaj personoj   Pliaj libroj, filmoj, kaj artikloj

Majstrodetektivo Konan
AVIZO: Ĉiuj informoj en tiu retejo estas korektaj laŭ mia scio, sed estas donataj sen garantio.
Tio estas ne-komerca amator-retejo

Lingvo:

deutsch 日本語 Esperanto ,   reen al la paĝo pri la Majstrodetektivo Konan

© 2005-2006 Elmar Dünßer [Djunser], Germanio