deutsch
日本語
Esperanto
|
deutsch
日本語
Esperanto
|
| Bonvolu noti:
Tio estas ne-komerca amator-retejo. La kopirajto por "Majstrodetektivo Konan", kaj por la rakonto kaj por tutaj ilustraĵoj apartenas al S-ro Gōshō Aoyama 青山剛昌 kaj al la eldonejoj rajtigitaj per li, precipe al K.K. Shōgakukan 株式会社 小学館 Tokio/Japanio. Ĉar ĝis nun mi ne ricevis la permeson de la koncernaj eldonejoj, mi rezignas pri montri ilustraĵojn de Detektivo Konan en ĉi-tiu amator-retejo. |
Ekde 1988 la mangaoj desegnitaj de Gōshō Aoyama [Gōŝō Aojama] aperas en la bone konata japana mangaa magazeno
"Shōnen Sunday" ["Ŝōnen Sandej" = junula dimanĉo].
Unue li konatiĝis pro la rakonto de malgranda samurajo, tiu serio nomiĝis "Yaiba" [Jajba].
Poste li komencis desegni la mangaan serion "Meitantei Konan" ["Mejtantej Konan" = majstrodetektivo Konan], kiu iĝis mondsukceso.
Tiu serio aperas ĝis nun regule, ĉiu semajno proksimume 16 paĝoj
(= unu "dosiero"), kaj ekde julio 1994 proksimume ĉiun 11-an semajnon tiuj dosieroj aperas kune kiel poŝlibro,
kaj la rakonto de Majstrodetektivo Konan ankoraŭ ne atingis sian finon ... en Japanio ĝis nun aperis
56, en Germanio 47 poŝlibraj volumoj (stato de januaro 2007).
"Majstrodetektivo Konan" spite al la minjona aspekto de la malgranda heroo "Konan" estas ekscita detektiva romano kun
kompleksa kadra rakonto, kiu montras parte fantaziajn trajtojn (kiel la ŝrumpado de homo per mistera veneno),
sed ene de la kadra rakonto okazas sufiĉe realaj krimaj kazoj,
kiuj estas malkovritaj per Konan: ĝis nun jam pli ol 150 krimaj kazoj.
Ĉar plej ofte temas pri murdo aŭ aliaj perfortaĵoj, mi ne povas rekomendi tiun legaĵon al tre junaj legantoj.
Aliflanke la krimo mem preskaŭ neniam montriĝas direkte, la eniro en novan kazon okazas plej ofte kun la aspekto de sangomakulita
kadavro - kaj preskaŭ ĉiam la rondo de la suspektatoj povas esti restrikciita ĝis malmultaj personoj, kaj poste la dedukta
intelekto de la "malgranda Sherlock Holmes" estas plene uzata ... kiu aspektas nur ekstere tiel juna sed estas "en realo" deksep-jara
majstrodetektivo ŝrumpita en knabeto per enigma tokso.
Tiu detektiva mangao distingas de aliaj detektivaj romanoj per la kompleksa interplektado de pluraj agadoj: la malgranda Konan ne devas
nur malkaŝi la krimojn kiel aliaj detektivoj, sed samtempe zorgi ke neniu komprenu, ke estas li, kiu malkaŝis la krimojn.
Krome li devas preventi ke sia ankaŭ deksep-jara amikino Ran komprenu ke li, la malgranda Konan, en realo estas ŝia senspure
malaperita amiko Ŝin-iĉi, kiun ŝi daŭre serĉas.
Kaj Konan devas apogi la patron de sia amikino, mallerta detektivo, por ke li sukcesu, ankaŭ sen komprenigi lin ke estas Konan,
kiu apogas lin ! Kaj suplemente Konan estas serĉanta la kriman sindikaton, kiu trinkigis al li la ŝrumpo-tokson, kaj la
antitoksinon por retransformiĝi al sia granda Mi. Do multaj samtempaj taskoj por la plej malgranda detektivo, kiun la literaturo
estigis ĝis nun.
La japanaj originalaj dialogoj estas ampleksaj kaj defias la tradukistojn plie ol aliaj mangaoj; de tempo al tempo okazas ke la
malkaŝo de krima kazo estas forte ligita al apartaĵoj de la japana skribo, lingvo aŭ kulturo, kaj la tradukistoj
povas nur nekomplete transigi la logikon al alia lingvo. Malgraŭ tiuj malfacilaĵoj tiu mangao estas
sukcesego en tuta orienta Azio ekde multaj jaroj kaj estas nun konkeranta ankaŭ Eŭropon, Amerikon kaj Aŭstralion.
| Lingvo: |
deutsch
日本語
Esperanto ,
al mia hobia portalo
|